shutterstock_415417501.jpg

廣東話文

細個讀書嘅時候,中文作文,要寫白話文,如果將廣東話嘅口語寫出黎,肯定比老師「肥佬」 。

但其實,新文化運動之前,文章係用文言文寫嘅,新文化運動就係要提倡我手寫我口,我地自細學嘅所謂嘅白話文,咪就係北京人嘅口語?既然如此,點解作為香港人,我地唔可以將口語直接寫低?

 

當然,我地仍然要識寫白話書面語,因為畢竟,白話文係14億中國人普遍認可嘅書寫語言,我地要同來自各省各市嘅朋友溝通,就要用對方可以理解嘅文字語言,就好似我地去英國,就要寫英文講英文,係一個好Practical嘅事情,唔存在對與錯問題。

 

教中文嘅老師,堅持要學生學好白話文,亦都係為學生日後出黎做野有用,完全無錯。但學好白話文,唔代表响適當場合(例如香港人之間講香港人嘅野),唔可以用另一種適合嘅語言。

 

所以,响呢個網站內,“保險從業心得”主要對象都係香港自己人,所以我會用廣東話文寫。